Færsluflokkur: Bloggar

Ákvörðun um að loka vinstri beygju mótmælt harðlega

Stjórn íbúasamtaka Bústaða- og Fossvogshverfis samþykkti 27. nóvember 2008 að mótmæla harðlega fyrirhugaðri lokun vinstru beygju af Bústaðavegi inn á Reykjanesbraut. Borgarráð Reykjavíkur samþykkti 27. nóvember að loka beygjunni til reynslu í sex mánuði í þeim tilgangi að draga úr álagi við gatnamótin. Stjórnin telur að umferð um Réttarholtsveg muni stóraukast í framhaldinu og þar sé hún nú þegar alltof mikil og hröð.  Stjórnin treystir því að borgarstjórn ógildi þau mistök borgarráðs að samþykkja lokunina. Stjórnin bendir borgarfulltrúum á að Réttarholtsvegur kljúfi skólahverfi og yfir götuna þurfi hundruð barna að ganga á degi hverjum. ,,Mikil mildi er að ekki hafi orðið stórslys á gangandi vegfarendum á Réttarholtsvegi og bráð nauðsyn að bæta þar umferðaröryggi og draga verulega úr umferð um götuna frá því sem nú er," segir í ályktun stjórnarinnar. Samþykkt borgarráðs um að heimila lokun kemur íbúum Bústaðahverfis í opna skjöldu þar sem borgarstjóri hafði síðastliðið vor heitið íbúum hverfisins að hugmyndir um lokun vinstri beygju af Bústaðavegi inn á Reykjanesbraut hefðu verið slegnar af.

Í Morgunblaðinu 3. desember er haft eftir Ólafi Bjarnasyni, samgöngustjóra Reykjavíkurborgar, að umferð um Réttarholtsveg muni liklega aukast um 10% þegar vinstri beygja af Bústaðavegi inn á Reykjanesbraut verður bönnuð í upphafi árs 2009. Fram kemur að um 2.000 bílar taki þessa beygju á degi hverjum og sú umferð muni eftir breytinguna fara að mestu um Réttarholtsveg en einnig um Grensásveg. Þá muni einhverjir aka út á Reykjanesbraut og taka síðan u-beygju til að komast leiðar sinnar.


Ný stjórn íbúasamtakanna

Stjórnarmenn íbúasamtaka Bústaða- og Fossvogshverfis, sem kjörnir voru á aðalfundi 12. nóvember 2008, hafa skipt með sér verkum. Stjórnin er þannig skipuð:

  • Nanna Guðmundsdóttir, Háagerði 69, formaður.
  • Hallur Magnússon, Rauðagerði 58, varaformaður,
  • Sigríður María Jónsdóttir, Brautarlandi 3, gjaldkeri.
  • Atli Rúnar Halldórsson, Álftalandi 5, ritari.
  • Sveinn Aðalsteinsson, Byggðarenda 2, meðstjórnandi.

Aðalfundur íbúasamtaka Bústaðahverfis

Aðalfundur íbúasamtaka Bústaðahverfis verður haldinn í félags og þjónustumiðstöðinni Hæðargarði 31, miðvikudaginn 12.nóvember og hefst kl. 19.30

Dagskrá aðalfundar samkvæmt lögum félagsins. 

·         Skýrsla stjórnar um störf á liðnu ári skal lögð fram

.·         Endurskoðaðir reikningar fyrir liðið ár skulu lagðir fram til úrskurðar.

·         Tillögur að lagabreytingum skulu teknar fyrir. Tillögur um lagabreytingar þurfa að hafa borist stjórninni eigi síðar en tveimur vikum fyrir aðalfund og skal stjórn kynna þær í fundarboði aðalfundar.  Samþykki 2/3 fundarmanna þarf til að lagabreytingar nái fram að ganga.

·         Kosning stjórnar.  Stjórnarkjör fer fram skv. 4 grein.  Einfaldur meirihluti ræður úrslitum.  Stjórnarmenn skulu kosnir til tveggja ára, nema á fyrsta fundi þá skulu tveir stjórnarmenn kosnir til tveggja ára og þrír til þriggja ára. 

·         Skipa skal tvo skoðunarmenn reikninga fyrir næsta ár.

·         Önnur mál.

Stjórn Íbúasamtaka Bústaðahverfis


30% ökumanna óku of hratt um Tunguveg

Brot 8 ökumanna voru mynduð á Tunguvegi í gær. Fylgst var með ökutækjum sem var ekið Tunguveg í norðurátt, að Langagerði. Á einni klukkustund, eftir hádegi,  fóru 27 ökutæki þessa akstursleið og því ók tæplega þriðjungur ökumanna, eða 30%, of hratt eða yfir afskiptahraða, samkvæmt upplýsingum frá lögreglunni á höfuðborgarsvæðinu.

Meðalhraði hinna brotlegu var 43 km/klst en þarna er 30 km hámarkshraði. Einn ók á 50 km hraða eða meira en sá mældist á 58.

Af mbl.is þann 27.ágúst 2008


Vinstri beygju ekki lokað

Á fundi hverfisráðs Háaleitis og bústaðahverfis þann 2. júní s.l. var eftirfarandi ályktun samþykkt:

Hverfisráð Háaleitis fagnar því að borgarstjóri ætli að beita sér gegn lokun vinstri beygju til norðurs á mótum Bústaðarvegar og Reykjanesbrautar, eins og fram kom á samráðsfund með Borgarstjóra með íbúum í Háaleitis- og Bústaðarhverfi þ. 19.4.2008.

Fagna ber þessi ályktun.


Fundur um Sundabraut

 

Samgönguráðherra efnir n.k. miðvikudagskvöld, þann 7.maí, til opins fundar um Sundabraut. Fundurinn verður haldinn í Tjarnarsal Ráðhúss Reykjavíkur og hefst klukkan 20.

 

Tilgangur fundarins er að upplýsa borgarbúa og annað áhugafólk um samgöngur um fyrirhugaða Sundabraut, mögulega útfærslu hennar og kostnað.

Kristján L. Möller samgönguráðherra ávarpar fundinn í upphafi og síðan fjalla sérfræðingar Vegagerðarinnar um Sundabraut.

Þá munu borgarfulltrúarnir Gísli Marteinn Baldursson og Dagur B. Eggertsson einnig ávarpa fundinn.

Að loknum erindum verður gefinn kostur á umræðum.


Þér er boðið í afmæli

Nú dregur til tíðinda í Bústöðaðahverfi. Á morgun 1.maí fagnar Víkingur 100 ára afmæli sínu.

Tvö íþróttafélög í borginni fagna 100 ára afmæli sínu þessa dagana. Félögin Víkingur og Fram voru stofnuð með viku millibili árið 1908 af drengjum úr sama hverfi, yngri og eldri strákum.

Yngri hópurinn stofnaði Víking viku á undan eldri hópnum, sem stofnaði FRAM. Víkingur var samkvæmt sögunni stofnaður til að slá saman í einn fótbolta fyrir hópinn. FRAM, sem upphaflega var nefnt Kári, sigraði á fyrsta kappleiksmótinu milli félaga sem haldið var í Reykjavík.

Bæði félögin blása til afmælishátíðar þann fyrsta maí næstkomandi og verður mikið um dýrðir.

Víkingar hittast kl. 12 hjá Grímsbæ og fara þaðan fylktu liði að Bústaðakirkju, þar sem haldin verður stutt samverustund og eftir það þrammað niður í Vík.

Brot úr sögu Víkings, af heimasíðu félagsins:

"Knattspyrnufélagið Víkingur var stofnað í kjallaranum að Túngötu 12 þann 21.apríl árið 1908 , þar sem Emil Thoroddsen átti heima. Á fundinn mættu 32 drengir.
Aðalhvatamenn og í fyrstu stjórn voru; fyrirliði hópsins og fyrsti Víkingurinn Axel Andrésson þá 12 ára gamall, formaður, Emil Thoroddsen 9 ára, ritari og Davíð Jóhannesson 11 ára gjaldkeri hinir stofnendurnir voru Páll bróðir Axels 8 ára og Þórður Albertsson 9 ára
Víkingur var stofnaður fyrir ánægjuna að spila fótbolta og til að fjármagna kaup á bolta.
Fyrsti gjaldkerinn særði 2 eyringa og 5 eyringa upp úr vösum félagsmanna þar til hafðist að mestu fyrir fyrsta boltanum, en Egill Jacobsen kaupmaður er talinn hafa hjálpaði upp á restina.
Fram að þeim tíma að tókst að aura fyrir fyrsta boltanum var notast við mineatur bolta sem var þeirrar náttúru að liggja eins og klessa þó hann félli úr háalofti. Eigandinn átti til að fara í fýlu og hirða boltan, líkaði honum ekki framgangur leiksins.

Árið 1914 vann Víkingur KR 2-1 í fyrsta opinbera kappleik félagsins á íþróttamóti Ungmennafélags Íslands.
Verðlaunaskjalið er varðveitt í fundarstofu félagsins í Víkinni.

Knattspyrnulið Víkings tapaði ekki kappleik frá stofnun 21. apríl 1908 til 16. júní 1918 og skoraði 58 mörk gegn 16."


100 ára afmæli

1TIL HAMINGJU MEÐ DAGINN VÍKINGAR


mbl.is Víkingar fagna 100 ára afmæli félagsins
Tilkynna um óviðeigandi tengingu við frétt

Fréttir af fundi borgarstjóra með íbúum hverfisins

Fundurinn með borgarstjóra s.l. laugardag tókst með ágætum.

Öllum af óvörum sló borgarstjóri af, umdeilda lokun beygju af Bústaðarvegi til norðurs inn á Reykjanesbraut og ber því að fagna. Áður hafði íbúafundur í bústaðarhverfi ályktað vegna þessa í febrúar s.l. Borgarstjóri uppskar mikið lófaklapp frá fundarmönnum vegna þessa.

Ólafur F. Magnússon borgarstjóri fór yfir stöðu mála í hverfinu og ræddi um átakið 1,2, Reykjavík. Alls höfðu komið inn 141 ábending um það sem betur mætti fara í hverfinu. Unnið verður út tillögunum á næstu vikum.

Ýmsar spurningar voru lagðar fyrir borgarstjóra sem hann svaraði af bestu getu. Spurt var um sundlaug í Fossvogsdalinn sem hefur verið í undirbúningi og sagði borgarstjóri að ekkert fjármagn væri á fjárhagsáætlun á þessu ári en vonaðist að af framkvæmdinni yrði á næstu árum.

Umferðarmálin  voru fyrirferðarmikil í fyrirspurnum íbúa og áhyggjur af mikilli umferð og hraðakstri í hverfinu. Ekki síst vegna barna og ungmenna sem þurfa að þvera umferðargötur vegna ferða til og frá skóla. Þar er Bústaðavegur stærsta áhyggjuefnið. Ekki var þó hægt að setja fram ákveðna áætlun um þann vanda.

Ljóst er að íbúasamtökin þurfa að beita sér sérstaklega vegna þess mikilvæga máls.

 


Fundurinn markar upphaf samráðs við íbúa

Fréttir af fundinum í gær

(af mbl.is) Færri komust að en vildu þegar opnað var á spurningar í sal Kennaraháskóla Íslands á sjöunda tímanum í gærkvöldi. Vel á annað hundrað manns á öllum aldri voru þar á samráðsfundi með borgaryfirvöldum og framkvæmdaraðilum vegna fyrirhugaðrar byggingar mislægra gatnamóta Miklubrautar og Kringlumýrarbrautar og tengdra stokkalausna á stofnbrautunum.

Fundurinn markaði upphaf samráðsins við íbúa og brunnu því fjölmörg málefni á íbúum. Á meðal þess sem spurt var um var fyrirkomulag hjólreiðagatna, gönguleiða og almenningssamgangna, mengunarvarnir og hreinsibúnaður í stokkum, stærð hljóðmana, hljóðvist, hugsanlegur umferðarhraði, umferðarþungi og margt fleira. Ekki síður höfðu íbúar áhyggjur af öryggismálum á meðan framkvæmdirnar munu standa yfir og mögulegum neikvæðum áhrifum breytinganna á afmarkaða staði. T.a.m. var spurt út í staðsetningu gangamunnanna og mögulega svifryks- og hávaðamengun við þá.

Erlendar hraðbrautalausnir

Frummælendur á fundinum voru Gísli Marteinn Baldursson, formaður umhverfis- og samgönguráðs, Hilmar Sigurðsson, formaður íbúasamtaka Hlíða, Holta og Norðurmýrar, og Baldvin Einarsson, yfirverkfræðingur hjá Línuhönnun, sem kynnti núverandi hugmyndir Vegagerðarinnar um lausn samgangna á svæðinu. Gísli Marteinn sagði tillögurnar sem þarna voru kynntar ekki endanlegar, heldur yrði settur á fót samráðshópur með íbúum. Ekki væri ætlunin að troða ofan í kokið á íbúum lausn sem þeir kærðu sig ekki um.

 

Hilmar Sigurðsson gagnrýndi margt í tillögunum og sagði þær minna á hraðbrautamannvirki að erlendri fyrirmynd, t.d. stórar hljóðmanir meðfram Miklubraut. Hilmar sagði nauðsynlegt að endurskoða markmiðin með framkvæmdunum og forgangsröðun þeirra. Í forgang skyldi setja lífsgæði fólks sem býr nálægt umferðaræðunum, því næst huga að samgöngum hjólandi og gangandi vegfarenda og í þriðja lagi að umferðarflæðið þyrfti að hugsa til enda og í stærra samhengi.

Baldvin lýsti svo m.a. hugsanlegri áfangaskiptingu verksins. Fyrsti áfangi, gatnamótin og nærliggjandi stokkar gætu kostað 6,8 milljarða króna á verðlagi síðustu áramóta, annar áfangi 2,6 milljarða og sá síðasti 2,8. Síðari áfangarnir yrðu stokkar og endurbætur á Miklubraut vestan Kringlumýrarbrautar.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband